Mieling Radén Déwi Sartika (gumelar di Bandung, 4 Désémber 1884 – tilar dunya di Cinéam, Tasikmalaya, 11 Séptémber 1947 dina umur 62 taun)
Kantun jujuluk nu arum,
kari wawangi nu seungit,
nyebar, mencar sa-Pasundan,
nyambuang sanusantara.
Sari puspa wangi arum,
seungit manis ngadalingding,
sari sekar nyurup nitis
kana sukma istri Sunda.
Teu kagambar ku rumpaka,
henteu kasanggi ku dangding.
Menggahing jasa-jasana,
Rahadén Sartika Déwi.
Huripna yitma rohani,
istri Sunda sadayana,
nya jasana Radén Déwi,
Ibu para istri Sunda.
Mugi-mugi ka Yang Agung
jasa-jasa Radén Déwi,
teras nyebar, teras mencar
nyaangan nagara jaman.
Jadi obor paraibu,
enggoning ngatik praputra,
sangkan jadi warga guna
nu ngajungjung lemah cai.
){kind=link}
0 comments:
Posting Komentar
Silahkan Berkomentar...
- Harap sesuai dengan Konten
- Mohon Santun
Terimakasih Telah Memberikan Komentar.